കൊച്ചി: ലോക്‌സഭാ തെരഞ്ഞെടുപ്പില്‍ വന്‍ വിജയം നേടിയ സുരേഷ് ഗോപിക്ക് അഭിനന്ദനവുമായി നടന്‍ സലിംകുമാര്‍. രാഷ്ട്രീയമായി വ്യത്യസ്ത ചേരിയിലാണെങ്കിലും വ്യക്തിപരമായി സുരേഷ് ഗോപിയുടെ വിജയത്തില്‍ സന്തോഷമെന്നാണ് സലിംകുമാര്‍ സോഷ്യല്‍ മീഡിയയില്‍ കുറിച്ചത്.
“രാഷ്ട്രീയമായി വ്യത്യസ്ത ചേരിയിലാണെങ്കിലും വ്യക്തി പരമായി അങ്ങയുടെ വിജയത്തില്‍ സന്തോഷിക്കുന്നു അഭിനന്ദനങ്ങള്‍ സുരേഷേട്ടാ’, എന്നാണ് സലിംകുമാര്‍ കുറിച്ചത്. ഷാഫി പറമ്പില്‍, കെ. സുധാകരന്‍, കെ.സി. വേണുഗോപാല്‍ തുടങ്ങിയവര്‍ക്കും സലിം കുമാര്‍ ആശംസ അറിയിച്ചിട്ടുണ്ട്.
